Oktyabrın 26-dan 27-nə keçən gecə saat 2:30-dan 5:30-dək Bakıda bir sıra küçə və prospektlərdə avtomobillərin hərəkət istiqaməti dəyişdiriləcək.
Baki-baku.az bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə (AYNA) istinadən xəbər verir.
Məlumata görə, buna səbəb BMT-nin İqlim Dəyişmələri üzrə Çərçivə Konvensiyasının Tərəfləri Konfransının 29-cu sessiyası (COP29) tədbirinə hazırlıq məqsədilə nəqliyyatın idarəedilməsi üzrə monitorinqlərin keçirilməsidir.
“Heydər Əliyev Beynəlxalq Aeroportuna gedəcək vətəndaşlardan 8 Noyabr prospekti və Zığ Şosesi, həmçinin Novxanı, Zuğulba, Mərdəkan yolundan istifadə etmələri xahiş olunur,” – deyə məlumatda qeyd edilib
