Boliviya və İslandiya istisna olmaqla, dünya üzrə digər ölkələrin dövlət qurumlarında qadınların payı orta hesabla 26 faiz təşkil edir.

Baki-baku.az xəbər verir ki, bu fikirləri BMT Qadınlar Təşkilatının Gürcüstan üzrə nümayəndəsi və Cənub Qrupu ilə əlaqələndirici Kaori İşikava BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində keçirilən Qadınlar Assambleyasında çıxışı zamanı səsləndirib.

O bildirib ki, Azərbaycan gender bərabərliyinin təşviqini müxtəlif sahələrdə ardıcıl şəkildə həyata keçirir. Onun sözlərinə görə, artıq qadınların parlamentlərdə təmsil olunması da bu istiqamətdə mühüm irəliləyişlərdən biridir.

“Qadınlara qarşı hər hansı ayrı-seçkiliyə yol verilməməlidir. Bu sahədə fəaliyyətimiz İndoneziya və Mərakeşdə həyata keçirilən təşəbbüslərlə də dəstəklənir”, – deyə Kaori İşikava qeyd edib.