Bakıda şəhər nəqliyyatının ekoloji və sağlam həyat tərzini təşviq edən bir vasitəsi kimi velosipedlərin istifadəsi son illər artır. Bunun üçün ayrıca zolaqlar təşkil edilir, paytaxtın müəyyən ərazilərində velosipedlərin saxlanması üçün xüsusi parkinq yerləri yaradılır. Lakin bu yerlərin sayının azlığı müəyyən çətinliklərə yol açır. Belə ki, zolaq olduğu halda velosipeddən istifadə edən şəxs gedəcəyi ünvanda bu nəqliyyat vasitəsini saxlamağa yer tapmır. Nəticədə ya səkilər zəbt olunur, ya da velosipeddən imtina ilə nəticələnir.

Velosiped istifadəçiləri bunun çıxış yolunu avtomobillərin parkinq ərazilərində saxlamaq kimi görürlər. Ancaq həmin ərazilərin velosiped üçün nəzərdə tutulması, yaxud ödənişin tələb olunması onları bu addımdan çəkindirir.

Bəs dünya praktikasında bu necədir? Qeyd edək ki, Amsterdam, Berlin və Paris kimi şəhərlərdə avtomobil parkinqlərinin müəyyən sahələri velosiped sahəsi kimi istifadə olunur, bu isə gündəlik hərəkətdə avtomobildən velosipede keçidi asanlaşdırır. Bakıda da velosipedlərin ödənişsiz saxlanması imkanının genişləndirilməsi şəhərdə avtomobil sıxlığını azaltmağa, hava çirkliliyini minimuma endirməyə və həmçinin sakinləri velosipeddən istifadəyə təşviq etməyə xidmət edər.

Bu addım gənc nəsilin daha sağlam və ekoloji təmiz həyat tərzinə yönəlməsinə dəstək verə bilər. Avtomobillə müqayisədə velosipedlərin həcminin çox kiçik olması onların parklanmasının olduqca az sahəni əhatə edəcəyini deməyə əsas verir. Bu səbəbdən avtomobillərin parkinq ərazilərində ödənişsiz saxlanma əlavə çətinlik yaratmayacaq.

Nəticə olaraq, Bakıda velosiped parklarının mövcudluğu hələlik məhdud olsa da, ödənişsiz saxlanma imkanının faydalı olacağı aydın görünür.