Sosial Xidmətlər Agentliyi paytaxtda yerləşən sosial xidmət müəssisəsinin inzibati binasında istifadə olunan liftlərin yenilənməsi və təmiri ilə bağlı satınalma elan edib.
Baki-baku.az-ın əldə etdiyi məlumata görə, layihənin dəyəri 429 min manatdan çoxdur.
Təmir işləri Bakı şəhəri, Xəzər rayonu, Buzovna qəsəbəsində yerləşən 1 saylı psixonevroloji sosial xidmət müəssisəsində aparılacaq.
Qeyd edək ki, liftlərin texniki vəziyyətinin yaxşılaşdırılması həm müəssisə əməkdaşlarının, həm də xidmət alan şəxslərin təhlükəsizliyi baxımından mühüm əhəmiyyət kəsb edir.
