Bakının Xətai rayonu, Əhmədli qəsəbəsi, Sarayevo 32 ünvanında yerləşən “Bakı kafesi” sakinlərin rahatlığını pozur.
Baki-baku.az xəbər verir ki, obyektin bacası sakinlərin eyvanının altında yerləşdiyi üçün buradan çıxan tüstü mənzillərə dolur. Sakinlər, həmçinin ətrafda olan digər kafe-restoranların da bacalarından çıxan tüstülərin onları narahat etdiyi deyir.
Sakinlərdən biri ilə söhbətimizdə qeyd etdi ki, havaların isti keçməsi ilə əlaqədar eyvanın qapısı açıq qoyulur: “Axşamüstü tez-tez eyvana çıxıb hava almaq istəyirik. Aldığımız hava isə kafelərin bacalarından çıxan tüstü olur. Demək olar aşağı mərtəbələrdə yaşayan əksər sakinlər mənimlə eyni vəziyyəti bölüşür və hər biri bundan narazıdır”.
Hadisə ilə bağlı redaksiyamız tərəfindən aidiyyəti qurumlara müraciət ünvanlanıb.
