Bakının Nəsimi rayonu, Mir Cəlal küçəsində sakinlər tərəfindən yaradılan qanunsuz parklanma yerləri sökülüb.
Baki-baku.az-ın “Instagram” hesabına binanın sakinlərindən daxil olan şikayətə görə, sözügedən küçədə qanunsuz şəkildə dirəklər basdırılıb, zəncirlər vasitəsilə parklanma yeri yaradılıb. Hər kəsin istifadəsində olan ərazi bəzi şəxslərin özəl mülkiyyətinə çevrilib.
Redaksiyamızın adiyyəti üzrə müraciətindən sonra Nəsimi rayon Mənzil-Kommunal Təsərrüfatı Birliyinin əməkdaşları dərhal hadisə yerinə gediblər. Küçəyə qanunsuz basdırılan dirəklər və zəncirlər sökülüb, ərazi yenidən bina sakinlərinin ümumi istifadəsinə verilib.