Bu ilin avqust ayında Bakı mobil internetin sürətinə görə iyul ayına nisbətən 1 pillə irəliləyərək 122,6 Mbps sürətlə 149 şəhər arasında 78-ci yerdə qərarlaşıb.
Baki-baku.az “Speedtest Global Index”ə istinadən xəbər verir ki, şəhərlər arasında mobil internetin sürətinə görə birinci yeri Əbu-Dabi (702,28 Mbps), sonuncu yeri Misrata (Liviya) (19,26 Mbps) tutub.
Həmçinin ötən ay Azərbaycan paytaxtının sabit genişzolaqlı internetin sürətinə görə mövqeyi ondan əvvəlki aya nisbətən 1 pillə geriləyərək 194 şəhər arasında 92,6 Mbps sürətlə 116-ci yerdə qərarlaşıb.
Şəhərlərin sabit genişzolaqlı internet üzrə reytinqinə Çilinin Valparaiso (416,81 Mbps) şəhəri başçılıq edib.
Sonuncu pillədə Herat (4,17 Mbps) qərarlaşıb.
