“Bakı Metropliteni” QSC yeni tədris ilinin ilk günündə 891 856 sərnişin daşıyaraq metro tarixində ikinci ən böyük nəticəyə imza atıb.
Baki-baku.az bu barədə səhmdar cəmiyyətinə istinadən xəbər verir.
Məlumata əsasən, intervalın bir qədər də azaldılması ilə pik saatlarda xətlərdə 34 cüt qatarın hərəkətdə olması sərnişinlərin daha çevik hərəkətinə ciddi təsir göstərib.
Pik saatlarda (gün ərzində ümumilikdə 5 saat) daşınan sərnişinlərin sayı gün ərzində metrodan istifadə edənlərin 43,06 %-ini təşkil edib.
Bunun 77 392-si “28 May”, 73 112-si “Koroğlu”, 71 415-si “Elmlər Akademiyası”, 70 843-ü “Gənclik”, 67 660-i “20 Yanvar”, 62 221-i isə “Nəriman Nərimanov” stansiyasının payına düşüb.
Xatırladaq ki, birinci ən böyük göstərici ötən il sentyabrın 16-da qeydə alınıb. Həmin vaxt 898 180 sərnişin Bakı metrosundan istifadə etmişdi.
