Hilal Baydarovun “Xütbə” trilogiyasının son filmi “Boşluğa Xütbə” dünya premyerasını Venesiya Film Festivalında edəcək!
Baki-baku.az xəbər verir ki, film Azərbaycan-Meksika-Türkiyə ortaq istehsalıdır və dünyanın sonu yaxınlaşarkən Şah İsmayılın dirilik suyunu axtarmaq üçün çıxdığı səyahətdən bəhs edir.
“Boşluğa xütbə” filmində rollarda Hüseyn Nəsirov, Məryəm Nağıyeva, Rəna Əsgərova, Elşən Abbasov, Orxan İskəndərli, filmin ssenari müəllifi, rejissor: Hilal Baydarov, prodüseri, Hilal Baydarov, birgə İstehsalçı: Carlos Reygadas, Qafar Demirçi, Burak Çevik, montajı Hilal Baydarov, səs tərtibatı və mix: Diego Lozano & Arturo Salazar “Frosti”, musiqi tərtibatı Kənan Rüstəmliyə aiddidir.
Qeyd edək ki, bu film, Baydarovun “Xütbə” seriyasındakı üçüncü bədii filmidir. Ona qədər 2023-cü ildə Tokioda nümayiş olunan “Quşlara Xütbə”, 2022-ci ildə Lokarnoda təqdim edilən “Balığa Xütbə” filmlərini ərsəyə gətirib.
