Mənzil məsələsinə ayrıca yanaşmaq olmaz. Bu sahə torpaq idarəçiliyi, infrastruktur, nəqliyyat, xidmətlər və iqlim siyasəti ilə kompleks şəkildə birlikdə nəzərdən keçirilməlidir.
Baki-baku.az xəbər verir ki, bu fikirləri Ümumdünya Şəhərsalma Forumunun 13-cü Sessiyasının (WUF13) milli koordinatoru, Dövlət Şəhərsalma və Arxitektura Komitəsinin sədri Anar Quliyev səsləndirib.
O qeyd edib ki, panel müzakirələri zamanı mənzilin üç əsas funksiyası xüsusi vurğulanıb. Bunlar insan hüquqlarının və sosial inklüzivliyin təmin olunması, iqtisadi inkişafın dəstəklənməsi, həmçinin iqlim fəaliyyəti və dayanıqlılığın əsas alətlərindən biri olmasıdır.
“Bugünkü müzakirələr bir daha göstərdi ki, 10 il əvvəl qəbul olunan Yeni Şəhər Gündəliyi yalnız aktuallığını qoruyub saxlamır, eyni zamanda əvəzsiz sənəd olaraq qalır. Qarşıdakı ikinci onillik isə artıq genişmiqyaslı icra mərhələsi olmalıdır”, – deyə Anar Quliyev bildirib.