Ölkə Prezidentinin sərəncamı ilə “Ağ Şəhər bulvarı” layihəsi çərçivəsində əvvəllər “Qara şəhər” adlanan və bir çox sənaye müəssisələrinin yerləşdiyi ərazidə müasir standartlara uyğun şəkildə Ağ Şəhər bulvarı inşa edilib. Bulvarın uzunluğu 2,7 km, sahəsi isə 33 hektardır. Ərazidə basketbol, voleybol və iki futbol meydançası, həmçinin açıq havada idman qurğularından ibarət trenajor sahəsi mövcuddur. Qeyr-adi görünüşlü dibçəklər yerləşdirilib, minlərlə ağac və bəzək kolu əkilib oturacaqlar quraşdırılıb. Burada insanların istirahəti üçün hər cür şərait var. Ağ Şəhər bulvarında infrastruktur ən müasir tələblər səviyyəsindədir.
