Binəqədi rayonu, Fatmayı bağları massivində baş vermiş hadisə nəticəsində iri gövdəli iydə ağacı kökündən aşaraq yüksək gərginlikli elektrik xəttinin üzərinə düşüb və naqillərə zərər vurub.
Baki-baku.az-ın məlumatına görə, hadisə ilə bağlı Bakı şəhər Yaşıllaşdırma Təsərrüfatı Birliyinin əməkdaşları dərhal əraziyə cəlb olunublar.
Təhlükəsizlik tədbirləri görülərək aşmış ağac hissələrə bölünüb və elektrik xətlərindən ehtiyatla uzaqlaşdırılıb.
Ağacın ərazidən götürülməsi qısa müddətdə təmin olunub, bununla da ərazidə yarana biləcək əlavə təhlükələrin qarşısı alınıb.
