İyulun 8-də Bakı metrosunda “Əhmədli-İçərişəhər” istiqamətində hərəkət edən qatarda vaqonların birində həşərat aşkarlanıb.

Baki-baku.az xəbər verir ki, sərnişin hərəkət zamanı vaqon daxilində həşəratla qarşılaşıb.

Qeyd edək ki, ictimai nəqliyyatda gigiyena və sanitar qaydalara riayət olunması sərnişinlərin rahatlığı və təhlükəsizliyi baxımından mühüm əhəmiyyət daşıyır. Bakı metrosunda bu kimi hallar tək-tək faktlar olsa da, ictimai nəqliyyatdan gündəlik minlərlə insanın istifadə etdiyi nəzərə alınaraq, vaqonların mütəmadi olaraq dezinfeksiya edilməsi və sanitar-gigiyenik tələblərə uyğun yoxlanılması vacib məsələ olaraq qalır.

Məsələ ilə əlaqədar “Bakı Metropoliteni” QSC-yə sorğu ünvanlanıb. Qurum tərəfindən bu məsələyə diqqətlə yanaşılacağı və müvafiq tədbirlərin görüləcəyi gözlənilir.