Bu gün Azərbaycanın görkəmli fırça ustası, xalq rəssamı Səttar Bəhlulzadənin xatirə günüdür. Mənzərə janrının banilərindən biri hesab olunan Səttar Bəhlulzadə qüdrətli bir sənətkar kimi Azərbaycanın tarixi şəxsiyyətləri ilə yanaşı, Azərbaycan təbiətinin incilərini də tablolarında əbədiləşdirib.
Dünyaya tablonun və fırçanın gözü ilə boylanan Səttar Bəhlulzadənin irsi “Babək üsyanı”, “Fətəli xan”, “Füzulinin portreti”, “Abşeron etüdləri”, “Xəzər üzərində axşam”, “Bazardüzü”, “Kəpəzin göz yaşları”, “Suraxanı atəşgahı”, “Naxçıvan: Axşam çağı Ordubad bağlarında”, “Şamaxı üzümlükləri” kimi çoxsaylı incilərlə zəngindir.
“Diplomsuz rəssam” kimi tanınan, ümumbəşəri dəyərlər xəzinəsini qiymətli əsərləri ilə zənginləşdirən Səttar Bəhlulzadənin Bakıdan başlayan ustad ömrü dünyanın məşhur sərgi salonlarında nümayiş olunan əsərləri ilə bu gün də davam etməkdir.
