Dünən bizə nağıl kimi görünənlər artıq reallığa, həqiqətə çevrilir. Yüksək texnologiyaların, səlis məntiqin, robotlar vasitəsilə insan əlinin və əməyinin əvəz edilməsi imkanları elmi nəaliyyətlərin yeni istiqamətlərini müəyyənləşdirir. İnsan düşüncəsinin, analitik təfəkkürünün, ensiklopedik biliyin məntiqi nəticəsi olan bu yeniliklər həm də cəmiyyətə yeni düzən, nizam və görüntü gətirir.
Tesla şirkətinin baş direktoru İlon Mask Kaliforniyada Warner Bros kino şirkətinin studiyasında baş tutan We Robot adlı geniş miqyaslı təqdimat keçirib. Tədbirin əsas yeniliyi tamamilə kənar idarəetmə olmadan özünü idarə edən Cybercab avtomobili olub.
Təqdimat zamanı İlon Mask söz verib ki, yaxın gələcəkdə bu cür nəqliyyat vasitələri robotlarla birlikdə şəhərin küçələrini dolduracaq və bu vasitələrlə gediş ictimai nəqliyyatdan bir neçə dəfə ucuz olacaq.
