Bu gün Qubadlının işğaldan azad edilməsinin 5 ili tamam olur.
Baki-baku.az xatırladır ki, 2020-ci il oktyabrın 25-də Azərbaycan Ordusu Vətən müharibəsində növbəti tarixi zəfər qazanaraq Qubadlı şəhərini və bir neçə kəndimizi düşmən işğalından azad edib.
Həmin gün Prezident, Silahlı Qüvvələrin Ali Baş Komandanı İlham Əliyev özünün “X” sosial şəbəkəsində paylaşım edərək xalqımıza bu sevincli xəbəri çatdırıb. Dövlət başçısı Ordumuzun Zəngilanın dörd, Cəbrayılın beş, Qubadlının isə yeddi kəndi ilə yanaşı, Qubadlı şəhərini də azad etdiyini bəyan edib.
Xatırladaq ki, Prezident İlham Əliyevin 31 iyul 2023-cü il tarixli Sərəncamına əsasən, 25 oktyabr Qubadlı şəhər günü kimi qeyd olunur.
