Səhiyyənin Təminat Mərkəzi müxtəlif tibbi və laboratoriya avadanlıqlarının satın alınması ilə bağlı tender elan edib.
Baki-baku.az-ın əldə etdiyi məlumata görə, layihənin ümumi dəyəri 3 milyon 996 min manatdan çoxdur.
Tender çərçivəsində bir sıra müasir cihazların alınması nəzərdə tutulur. Bunlara neft məhsullarının təyini analizatoru, rəqəmsal taymerlər, hematokrit sentrifuqası, spirtometrlər, microplate reader cihazı və areometrlər daxildir.
Avadanlıqlar tibbi tədqiqatların, analizlərin və klinik işlərin daha dəqiq aparılmasına imkan verəcək. Bu isə həm həkimlərin işini asanlaşdıracaq, həm də vətəndaşlara göstərilən tibbi xidmətin səviyyəsini yüksəldəcək.
