Uzun müddət alimlər hesab edirdilər ki, Ay geoloji cəhətdən ölü bir göy cismidir və xeyli zamandır ki, orada aktivlik yoxdur.

Baki-baku.az xəbər verir ki, hindistanlı alim Şivapraxasam Vidjayanın rəhbərlik etdiyi Fiziki Tədqiqatlar Laboratoriyasının yeni kəşfi bu təsəvvürə meydan oxuyur.

Planetoloqlar müəyyən ediblər ki, Yer kürəsinin təbii peykində bu gün də dinamik proseslər baş verir: onlarla, hətta yüzlərlə metr ölçüsündə və minlərlə ton ağırlığında nəhəng qaya parçaları yamaclardan qoparaq hərəkət edir və arxalarında unikal izlər buraxır.

Onlar Ayda geoloji aktivliyin yeni əlamətlərini aşkar ediblər. İlk dəfə olaraq alimlər nəhəng qaya parçalarının krater yamaclarından qoparaq buraxdığı təzə izlərin xəritəsini tərtib edib yaşını müəyyənləşdiriblər. Tədqiqatçılar səthdə ən azı 245 belə iz qeydə alıblar və onların nisbətən yaxın dövrlərə aid olduğunu bildiriblər.