Yanvarın 22-də Günəşdə üç saat ərzində nadir bir hadisə – qara plazma püskürməsi müşahidə edilib.
Baki-Baku.az-ın TASS-a istinadən verdiyi xəbərə görə, bu barədə Rusiya Elmlər Akademiyasının (RAA) Kosmik Tədqiqatlar İnstitutu məlumat yayıb.
Belə bir hadisə nadir hallarda baş verir. Alimlərin fikrincə, bu rəng adətən neytral hidrogen tərəfindən istehsal olunur. O qısa dalğalı radiasiyanı demək olar ki, tamamilə udma qabiliyyətinə malikdir.
İnstitutun Günəş astronomiyası və heliofiziki cihazlar laboratoriyasının rəhbəri Sergey Boqaçev bildirib ki, hadisə enerji baxımından zəifdir, lakin qeyri-adiliyi və mistik gözəlliyi ilə diqqət çəkir.
