Nərimanov rayonu, Faiq Yusifov 40 ünvanında əkilən yeni ağaclar identifikasiya ilə qeydiyyata alınıb.
Baki-baku.az xəbər verir ki, bu barədə Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin rəisi Hikmət Əlizadə jurnalistlərə açıqlamasında deyib.
O bildirib ki, 2025-ci ildən etibarən IDEA İctimai Birliyinin təşəbbüsü və Ekologiya və Təbii Sərvətlər Nazirliyinin dəstəyi ilə şəhər yaşıllıqlarının qeydiyyata alınması, identifikasiyası fəaliyyətinə başlanılıb: “Bununla bağlı agac.az saytı fəaliyyət göstərir. Artıq sayt vasitəsilə bir sıra ərazilərdə, xüsusən Səbail rayonunda qeydiyyata alınan ağacları izləmək olar. Həmçinin Faiq Yusifov 40 ünvanında 2026-cı ilin yanvarın 19-da quru ağaclar identifikasiya kodu ilə qeydiyyata alınıb, sözügedən sayta daxil edilb. Bu gün isə yeni ağaclara həmin identifikasiya nömrələri vurulur.
Yəni biz artıq bu ağacları da izləyə biləcəyik”.
Xidmət rəisi qeyd edib ki, layihənin məqsədi şəhər ərazisində yaşıllıqlarla bağlı fəaliyyətin izlənilməsi, şəffaflığın təmin edilməsidir.
