1902-ci ildə anadan olan Litvanın xalq yazıçısı, jurnalist, səyyah və fotoqraf Vinças Ujdavinis (Vincas Uždavinis) 1921-ci ildən doğulduğu ölkənin mətbuatında fəaliyyətə başlayıb, bir sıra nəşrlər də çalışıb. O,həmçinin Xaricdəki Litvalılara Dəstək Assosiasiyasının və Həvəskar Fotoqraflar Assosiasiyasının üzvü olub.
1945-ci ildə həbs edilən və Sibirə sürgünə göndərilən Ujdavinis 1953-cü ildə Litvaya qayıtdıqdan sonra təcili tibbi yardım stansiyasında dispetçer, Vilnüs Mərkəzi Kitab mağazasında satıcı, model evində mühəndis, turizm agentliyində bələdçi, doğum evində mühasib və kassir kimi müxtəlif işlərdə çalışıb. 1955-ci ildə əfv nəticəsində yenidən jurnalistika sahəsində işləməyə başlayıb. 1959-cu ildə Litva SSR Jurnalistlər İttifaqına qəbul olunub.
1934-cü ildə Ujdavinis Azərbaycan SSR-yə də səfər edib. Onun Bakıda çəkdiyi fotoşəkillərin bəziləri bu günə qədər gəlib çatıb.
Baki-baku.az Ujdavinisin çəkdiyi həmin fotoları sizə təqdim edir.