Sosial şəbəkələrdə Bakının Yasamal rayonu, Əsəd Əhmədov küçəsi 41B ünvanında, 308 nömrəli məktəbin arxasındakı küçədə yığılan zibillər sosial şəbəkələrdə narazılığa səbəb olub. Baki-baku.az xəbər verir ki, paylaşılan görüntülərdə küçənin sakinlər tərəfindən çirkləndirildiyi iddia edilir.
Əraziyə rəsmi olaraq “Akkord-Etalon” MTK nəzarət etsə də, redaksiyamızın Yasamal rayon Mənzil-Kommunal Təsərrüfatı Birliyinə müraciətindən sonra ərazidə təmizlik işləri aparılıb və qısa müddət ərzində tullantılardan təmizlənib.
Hazırda ərazidə təmizlik təmin olunub. Müvafiq qurumlar sakinləri zibilləri müəyyən olunmuş yerlərə atmağa və ətraf mühitə qarşı məsuliyyətli davranmağa çağırır.
