Yasamal rayonu, Mirəli Seyidov küçəsində yanğın hadisəsinin baş verdiyi yaşayış binasında elektrik kabellərinin dəyişdirilməsi prosesi həyata keçirilir.
Bu barədə Baki-baku.az-ın sorğusuna cavab olaraq Yasamal Rayon İcra Hakimiyyətindən (RİH) məlumat verilib.
Bildirilib ki, yanan kabellər hazırda binanın şaxtasından götürülür və yenisi ilə əvəzlənməsi işləri aparılır. Bu iş başa çatdıqdan sonra binanı elektrik enerjisi ilə təchiz etmək mümkün olacaq.
Qeyd edilib ki, işlərin yüksək keyfiyyətlə aparılması üçün Yasamal Rayon İcra Hakimiyyəti tərəfindən nümayəndə ayrılıb və görülən işlər nəzarət altında həyata keçirilir.
