Bakının Xətai rayonu, Əhmədli qəsəbəsində yol infrastrukturu ilə bağlı yaranan problem sürücülərin narazılığına səbəb olub.
Baki-baku.az xəbər verir ki, Sarayevo küçəsində bir neçə gün əvvəl aparılan qazıntı işlərindən sonra yolun sol hissəsi bərpa edilsə də, çökəklik normativ tələblərə uyğun şəkildə örtülməyib. Nəticədə asfalt örtüyü yararsız vəziyyətdə qalıb və bu hal nəqliyyatın hərəkətinə ciddi maneələr yaradır.
Sürücülər təhlükəsizlik baxımından sürət həddini minimuma endirməyə məcbur qalır, bəzi hallarda isə yolun yalnız sağ hissəsi ilə hərəkət edirlər. Xüsusilə sol zolaqla hərəkət edən avtomobillər üçün geriyədönmə əməliyyatı olduqca çətinləşib, bu da həm vaxt itkisinə, həm də qəza riskinin artmasına səbəb olur.
Məsələ ilə bağlı aidiyyəti qurumlara müraciət ünvanlanıb.