Bəzi tərəvəzlərin rasionumuza daxil edilməsi bir neçə xərçəng növünün inkişaf riskini əhəmiyyətli dərəcədə azaldır.
BakıBaku xəbər verir ki, kələm, turp, şalğam, brokkoli, gül kələmi kimi tərəvəzlərin müntəzəm istifadəsi bəzi xərçəng növlərinin qarşınısı almağa kömək edir.
Britaniyalı diyetoloq Toral Şah bildirib ki, xaççiçəklilər fəsiləsindən olan tərəvəzlərin heyrətamiz xüsusiyyətləri var.
“Xaççiçəklilər fəsiləsindən olan tərəvəzlərin zəngin tərkibi ilə fərqlənir. Həmçinin onlar vitaminlər, minerallar və karotinoidlərin mənbəyidir. Onlarda həzm sisteminin işini yaxşılaşdıran və faydalı bağırsaq bakteriyaları üçün qida olan çox miqdarda lif var. Bu, ən geniş yayılmış onkoloji xəstəliklərdən biri olan bağırsaq xərçənginin qarşısının alınmasında mühüm rol oynayır”, – deyə Toral Şah qeyd edib.
“Bu tərəvəzlərin istifadəsi orqanizmdə indol və sulforafan kimi aktiv birləşmələri yaradır. Bu maddələr iltihabəleyhinə xüsusiyyətləri və metastazların qarşısını alma qabiliyyəti sayəsində xərçəng riskini azaltmağa kömək edir”, – deyə həkim vurğulayıb.
