Xətai rayonunda iyunun 5-i “Musiqili Bakı” festivalı çərçivəsində Heydər Əliyev adına istirahət parkının amfiteatr səhnəsində rayon İcra Hakimiyyəti, Mədəniyyət Nazirliyi, Bakı şəhər Mədəniyyət Baş İdarəsi və YAP Xətai rayon təşkilatının təşəbbüsü, əməkdar artist Nigar Şabanova və tanınmış ifaçı Vasif Əzimovun iştirakı ilə konsert proqramı təşkil olunub.
Baki-baku.az xəbər verir ki, tədbirə Rayon İcra Hakimiyyətinin başçısı Rafiq Quluyev, Milli Məclisin deputatı Vüqar Rəhimzadə, YAP Xətai rayon təşkilatının sədri Ramil Mirzəyev, Vətən müharibəsi qəhrəmanları Nizami Mövlanov, Rəşad Qasımlı, Zaur Hüseynov, C. Naxçıvanski adına Azərbaycan Hərbi Liseyinin kursantları, şəhid ailələri, qazilər, rayon sakinləri qatılıblar.
Konsertdə incəsənət ustaları tamaşaçılara bir-birindən maraqlı ifalar təqdim ediblər.
Tədbir sakinlər tərəfindən böyük məmnunluq və razılıqla qarşılanıb.
