Tarixi şəhərlərdə rəqəmsal transformasiya – ağıllı irs, məlumatlara əsaslanan idarəetmə və inklüziv şəhər gələcəyi” mövzusunda keçirilən tədbirdə rəqəmsal texnologiyaların tarixi şəhərlərin idarə olunmasına töhfələri müzakirə edilir.
Baki-baku.az xəbər verir ki, tədbir irs qurumlarını, şəhərsalma üzrə ekspertləri və akademik nümayəndələri bir araya gətirərək rəqəmsal transformasiyanın tarixi şəhərlərin idarə olunmasında roluna dair fikir mübadiləsi aparmaq məqsədi daşıyıb.
Bildirilir ki, sessiya ağıllı irs idarəçiliyi, turizm axınlarının tənzimlənməsi, nəqliyyat və mobilliyin optimallaşdırılması, mülkiyyət idarəçiliyi və məlumatlara əsaslanan şəhərsalma qərarlarının qəbulu kimi istiqamətləri əhatə edir. Qeyd olunur ki, İçərişəhər, Şuşa və Şəki nümunələri əsasında mədəni irsin, turizmin, yaşayış mühitinin və şəhər xidmətlərinin kəsişdiyi tarixi şəhər məkanlarının idarə olunmasına dair praktik yanaşmalar təqdim edilib.
Tədbirdə həmçinin İçərişəhərdə tətbiqi nümayiş etdirilərək rəqəmsal alətlərin UNESCO Ümumdünya İrs siyahısına daxil olan ərazilərdə irsin qorunması, ziyarətçi axınının idarə olunması, mobilliyin tənzimlənməsi və şəhər aktivlərinin effektiv idarə edilməsinə verdiyi töhfələr diqqətə çatdırılıb.
