26 noyabr tarixində Şəki Dövlət Dram Teatrında Əməkdar incəsənət xadimi, yazıçı, dramaturq Əli Əmirlinin “Varlı qadın” əsəri əsasında hazırlanan eyniadlı tamaşanın ictimai baxışı keçirilib.
Baki-baku.az xəbər verir ki, tamaşanın quruluşçu rejissoru Elvin Nuri, quruluşçu rəssamı Nicat Məmmədov, geyim üzrə rəssamı Dilşad Şirinova, musiqi tərtibatçısı Zeynəb Xəlilovadır.
Səhnə əsərində rolları Əməkdar artist Rəhim Qocayev, aktyorlar Lalə Məmməd, Xəyal Salahov, Rəşid Mirizadə, Pərviz İsmayılov, Rəsul Məmmədrəhimov, Nazilə İmamhüseynova, Arzu Mustafayeva, Sənubər İsrafilova, Elvin Mabudov, Arzuman Abdullazadə, Nuranə Mirzəliyeva, Nərmin Nəbiyeva, Gülxar İmamhüseynova, Cavidan Eminov, Yaqub Lətifzadə ifa edirlər.
Səhnə əsərində maddiyyatın mənəviyyatı üstələməsi, insanın öz nəfsinə sahib çıxa bilməyib ailə dəyərlərini tapdalamasından bəhs edilir.
Tamaşa anşlaqla keçib və böyük alqışlarla qarşılanıb.
