Son illərdə kiberdiman uşaqlar arasında populyar fəaliyyət sahəsinə çevrilib.

Baki-baku.az-ın məlumatına görə, bu sahə yalnız əyləncə məqsədi daşımır, həm də uşaqların idrak qabiliyyətlərinin, intizamının və sosial bacarıqlarının inkişafına yardımçı olur.

Ekspertlər uşaqlar üçün kiberidmanın beş əsas üstünlüyünü vurğulayır:

Yaddaş və məntiqi düşüncə – Oyunlar diqqətin cəmlənməsinə, məntiqi qərarlar verməyə və problemləri həll etməyə kömək edir.

İntizam və məsuliyyət – Müntəzəm məşqlər vaxtın düzgün idarə olunmasını, planlama və üzərinə götürülən öhdəlikləri yerinə yetirməyi öyrədir.

Komanda ruhu və ünsiyyət bacarıqları – Komanda oyunları uşaqlara əməkdaşlıq etməyi, kollektiv qərarlar verməyi və qarşılıqlı anlaşmanı inkişaf etdirməyi öyrədir.

İnklüzivlik – Kiberdiman fiziki məhdudiyyətləri olan uşaqlara da bərabər imkanlar təqdim edir.

Gələcək peşə imkanları – Bu fəaliyyət sahəsi uşaqların informasiya texnologiyaları və rəqəmsal sahələrdə gələcək karyerasına baza rolunu oynaya bilər.

Qeyd edək ki, kiberidman uşaqlar üçün yalnız əyləncə deyil, həm də gələcəkdə perspektivli peşələrə hazırlıq və sosial bacarıqların inkişafı üçün əlverişli mühit yaradır.