İtaliyanın “Komо” klubunun baş məşqçisi Sesk Fabreqas Serxio Busketsin məşqçi olmaq istədiyini açıqlayıb.

Baki-baku.az-ın məlumatına görə, bu barədə o, TMW-yə açıqlamasında bildirib.

“О, mənim dostum və inanılmaz bir insandır, həm də böyük futbolçudur. Düşünürəm ki, onun vaxtı gəlib, gənclərə yol verməlidir. Amma o, elə futbolçulardandır ki, sevilir. Meydanda bəzən gözə dəymir, amma oynamayanda onun nə qədər vacib olduğunu anlayırsan.

Belə bir karyera qurduğu üçün onu ürəkdən təbrik edirəm – bu, inanılmazdır. Həmişə düzgün həyat tərzi sürüb, yaxşı yatıb, halbuki gənclikdə bunu etmək asan deyil. O isə bunu mükəmməl bacarırdı. İndi məşqçi olmaq istəyir və mən ona bu işdə uğurlar arzulayıram”, – deyə Fabreqas qeyd edib.

Məlumat üçün bildirək ki, “İnter Mayami”nin 37 yaşlı dayaq yarımmüdafiəçisi Serxio Buskets 2025-ci il mövsümünün sonunda karyerasını başa vurduğunu elan edib.