Türkiyədə “Santa Klaus”un məzarı olması ehtimal edilən sərdabə aşkarlanıb.
Baki-Baku.az xəbər verir ki, bu barədə “Türkiyə Today” məlumat yayıb.
Məlumata görə, türkiyəli arxeoloqlar Antalyada Müqəddəs Nikolay kilsəsində qazıntılar zamanı sarkofaq tapıblar. Burada müasir “Santa Klaus”un prototipi olan Müqəddəs Nikolayın qalıqları basdırıldığı ehtimal olunur.
Hatay Mustafa Kamal Universitetindən dosent Ebru Fatma Fındık bildirib ki, “Ən böyük ümidimiz sarkofaqın üzərində kitabə tapmaqdır. Bu, sərdabənin məzmununu aydınlaşdırmağa və onun hansı dövrə aid olduğunu dəqiq müəyyən etməyə imkan verərdi”.
Qeyd edək ki, kilsədə qazıntılar 1989-cu ildən bəri davam edir.