Bir müddət əvvəl sosial şəbəkələrdə və xəbər saytlarında Xəzər rayonu, Türkan qəsəbəsində sakinlərin qəsəbənin yaxınlığında yerləşən böyük zibil poliqonun yaranmasından narazılıqları ilə bağlı məlumatlar dərc olundu. Belə ki, ətraf kənd və qəsəbələrdən tullantıların yük maşınları tərəfindən gətirilərək bura boşaldıldığı qeyd olunurdu.
Baki-baku.az-ın bununla bağlı müraciətindən sonra Xəzər rayon Mənzil-Kommunal Təsərrüfatı Birliyi tərəfindən ərazidə təmizləmə işləri aparılıb. Belə ki, ərazi tullantılardan təmizlənərək xüsusi poliqonlara aparılıb.
Birlik bu məsələdə məsuliyyət daşıyanları daha diqqətli olmağa və tullantıları təyin olunmamış yerlərə atmamağa çağırır.
