İlk dəfə Yerin orbitini tərk edərək Ayın ətrafında dövrə vuran hansı canlı olub? Nə itlər, nə meymunlar, nə də insan.

Baki-baku.az xəbər verir ki, 1968-ci ildə “Zond-5” kosmik gəmisi Yerin peykinə – Aya doğru iki Orta Asiya çöl tısbağası ilə göndərildi. Məhz onlar Aya qədər uçuş edib geri qayıdan ilk canlılar oldular. Bu seçimin səbəbi sadə idi: tısbağalar həftələrlə yeməksiz və susuz qala bildikləri üçün ideal “kosmonavtlar” hesab olunurdular.

Həmin eksperiment öz dövründə əsl sensasiya yaratdı və sübut etdi ki, Yer orbitindən kənarda da canlı orqanizmlər uzunmüddətli kosmik uçuşa tab gətirə bilirlər. Beləcə, elmin tarixinə yalnız böyük astronavtların deyil, həm də sadə çöl tısbağalarının adları yazıldı – Ayın fəthinə yol açan canlılar kimi.