Alimlər uzun müddət ritm hissinin yalnız insana məxsus olduğunu düşünürdülər, lakin reallıq daha maraqlı faktları ortaya çıxardı.

Baki-baku.az xəbər verir ki, sensasiya ağ kakadu – Snejok adlı tutuquşu sayəsində yaranıb: o, sadəcə musiqi ritmləri altında rəqs etməklə kifayətlənməyib, həm də onun ritminin sürətlənməsi və ya zəifləməsi tempinə uyğunlaşıb.

Bu fenomen tədqiqatçıları köhnə videoçarxlara yenidən baxmağa sövq edib və nəticə heyrətləndirici olub: ritm hissi daha 14 tutuquşuda və hətta bir fildə də aşkarlanıb. Halbuki, insana yaxın olan şimpanzelər, eləcə də min illərdir bizimlə yanaşı yaşayan pişik və itlərdə bu qabiliyyət yoxdur.

Bir məsələ sual olaraq qalır: nə üçün məhz bəzi quşlar və fillər musiqini bizim qədər hiss edir?