Süni intellekt bir çox insanın gündəlik həyatının ayrılmaz hissəsinə çevrilib. Bir sıra böyük dil modelləri (LLM) onlar üçün məktublar və kurs işləri yazır, məsləhətlər verir və ya istənilən mövzuda sualları cavablandırırlar.
Baki-baku.az xarici mətbuata istinadla xəbər verir ki, Yulius Maximilian adına Vürzburq Universitetinin (Almaniya) tədqiqat qrupu süni intellektin müstəqil repetitor kimi təbiət elmləri tələbələrinə nə dərəcədə dəstək verə biləcəyi sualını araşdırıb.
Tədqiqat qrupu müasir LLM-lərin termodinamik anlayışını – xüsusən də onların bacarıqlarının sadəcə faktiki biliklərdən kənara çıxıb-çıxmadığını yoxlayan alət hazırlayıb. UTQA (Undergraduate Thermodynamics Question Answering) adlanan alətə çıxış açıqdır və o, LLM-lərin obyektiv, əsaslı qiymətləndirilməsində müəllim və tədqiqatçıları dəstəkləmək və irəliləyişin ölçülməsi üçün nəzərdə tutulub.
Məqsəd təkcə faktiki bilik və tərifləri yoxlamaq deyil, həm də dil modellərinin müxtəlif sərhəd şərtlərini məqsədyönlü şəkildə əlaqələndirmək və mürəkkəb proses ardıcıllıqlarını başa düşmək qabiliyyətini yoxlamaqdır.
Aparılan tədqiqata əsasən, LLM-lər artıq nəzarətlə və ya nəzarətsiz tədrisdə çox faydalı ola bilər, lakin hələlik onlardan müstəqil repetitor kimi istifadə oluna biləcək dərəcədə deyil. Eyni zamanda, son iki ildə çox böyük irəliləyişlər müşahidə edilib. Əgər bu inkişaf dayanmasa, tezliklə süni intellektlər müstəqil repetitor səviyyəsinə gəlib çata biləcək.