Müasir dövrün əmək bazarında yalnız texniki biliklər və peşə bacarıqları kifayət etmir. Uğurlu karyera və effektiv əməkdaşlıq üçün insanların özlərini düzgün ifadə etməyi, komanda ilə işləməyi, problemləri həll etməyi və liderlik etməyi bacarmaları da vacibdir. Bu kimi xüsusiyyətlər “soft skills”, yəni yumşaq bacarıqlar adlanır.
“Soft Skills” nədir?
“Soft skills” — insanın şəxsi keyfiyyətlərini, münasibət qurma qabiliyyətini, davranış tərzini və emosional zəkanın təzahürlərini əhatə edən bacarıqlardır. Texniki və ya akademik biliklərdən fərqli olaraq, bunlar ölçülməsi və öyrədilməsi nisbətən çətin olan sosial və emosional bacarıqlardır.
Ən çox tələb olunan yumşaq bacarıqlara aşağıdakılar daxildir:
Ünsiyyət bacarıqları (dinləmə, aydın ifadəetmə)
Komanda ilə işləmək
Problemlərin həlli və qərarvermə
Emosional zəka
Zamanın idarə olunması
Adaptasiya qabiliyyəti (dəyişikliklərə uyğunlaşma)
Liderlik və təşəbbüskarlıq
Tənqidə açıq olmaq və inkişaf istəyi
“Soft Skills” niyə bu qədər vacibdir?
İş mühitində uğurun açarıdır:
İş yerlərində insanlar yalnız işlərini bilən deyil, həm də komanda ilə işləməyi bacaran, təşəbbüskar və müsbət münasibət göstərən əməkdaşlar axtarırlar.
Karyera yüksəlişində rolu var:
Liderlik bacarığı, emosional zəka və effektiv ünsiyyət kimi “soft skills”lər rəhbər vəzifələrə yüksəlmək üçün əsas şərtlərdir.
Texnologiyanın sürətli inkişafı ilə daha da önəmlidir:
Süni intellekt və avtomatlaşdırma bir çox texniki bacarığı əvəz edə bilər, amma insan münasibətləri, empatiya və yaradıcı düşüncə kimi bacarıqlar hələ də insanlara məxsusdur və dəyərini qoruyur.
Qlobal və mədəni müxtəliflikdə iş bacarığı:
Müasir iş dünyası beynəlxalq əməkdaşlıqlarla doludur. Fərqli mədəniyyətlərdən olan insanlarla işləmək üçün uyğunlaşma və empatiya vacibdir.
“Soft Skills” necə inkişaf etdirilə bilər?
Yumşaq bacarıqlar doğuşdan gələn xüsusiyyətlər kimi görünsə də, bunları inkişaf etdirmək mümkündür:
Təlimlərdə və seminarlarlarda iştirak
Komanda işlərində aktiv olmaq
Fikrini ifadə etmə və dinləmə bacarığını təkmilləşdirmək
Özünü dəyərləndirmək və zəif tərəflər üzərində işləmək
Geri bildirimlər almaq və tətbiq etmək
Əmək bazarında daha çox dəyər qazanmaq üçün “Soft skills”
“Soft skills” – yalnız iş həyatında deyil, gündəlik münasibətlərdə də uğurun əsasını təşkil edən bacarıqlardır. Dəyişən və rəqabətli dünyada fərqlənmək, liderlik etmək və effektiv əməkdaşlıqlar qurmaq üçün yumşaq bacarıqların inkişafı hər bir fərd üçün önəmlidir. Bu bacarıqları texniki biliklərlə birləşdirən insanlar əmək bazarında daha çox dəyər qazanır və davamlı uğura nail olurlar.
Xanım Aydın
