Cənub-Şərqi Asiyanın gözündə yunanların necə “şimallı”ya çevrildiyi
Çox az adam bilir ki, tailandlılar və birmanlar əsrlər boyu şimal qonşularını “yuan” adlandırıblar və bu sözün kökü əslində ioniyalı yunanlara gedib çıxır.
Baki-baku.az xəbər verir ki, bir çox Asiya dillərində “yunan” anlayışı tarixən Ellinlərin İoniyalı qolunun adından – qədim fars dilində “yauna”, sanskritdə isə “yavana” sözlərindən formalaşıb.
Zamanla bu termin Hindistan mədəniyyətində daha ümumiləşdirilmiş bir mənaya malik olub. Artıq o, təkcə yunanları deyil, şimaldan gələn bütün “xarici işğalçıları” – ərəbləri, türkləri və başqalarını da ifadə etməyə başlamışdı. Maraqlıdır ki, yunanlar heç vaxt İndoxina torpaqlarına qədəm qoymasalar da, onların qədim adı yeni bir mənada yaşamağa davam etdi – Tailand və Birmada “yuan” artıq şimalın qüdrətli krallıqları ilə eyniləşdirilməyə başlandı.
Egey dənizi sahillərindən Qızıl Üçbucağın cəngəlliklərinə qədər bir etnonimin heyrətamiz səfəri…

Hacı Cavadov