Son illər seriallar həyatımızın ayrılmaz bir hissəsinə çevrilib. Gecəni səhərə qədər “bir seriya da baxım” deyə baxdığımız seriallar bizi niyə bu qədər asılı edir?

Bunun əsas səbəblərindən biri hekayənin davamlılığıdır. Hər seriyanın sonunda yaradılan “cliffhanger”, yəni maraq doğuran və cavabsız qalan suallar, izləyicidə növbəti bölümü dərhal izləmək ehtiyacı yaradır.

İkincisi, personajlarla emosional bağ qururuq. Onların uğurlarına sevinir, kədərinə üzülürük. Bu bağ bizi uzun müddət ekran qarşısında saxlayır.

Üçüncü amil isə platformaların təqdim etdiyi rahatlıqdır. Artıq bir serialın bütün mövsümünü eyni anda izləmək mümkündür – bu da “binge-watching” adlanan fenomeni yaradır.

Nəticədə seriallar sadəcə əyləncə deyil, həm də emosional təcrübəyə çevrilir. Onlar bizə reallıqdan bir müddət uzaqlaşmaq, fərqli dünyalara səyahət etmək imkanı verir – bəlkə də buna görə onlardan ayrılmaq bu qədər çətindir.

Xanım Aydın