Azərbaycan və Çin arasında ikitərəfli münasibətlər tarixdə ən yüksək səviyyəyə yüksəlib.
Baki-baku.az xəbər verir ki, bunu Çin Xalq Respublikasının (ÇXR) ölkəmizdəki fövqəladə və səlahiyyətli səfiri Lu Mey bu gün Bakıda keçirilən mətbuat konfransı zamanı bildirib.
Diplomat çıxışı zamanı xüsusilə vurğulayıb ki, iki ölkə arasında münasibətlərin daha da dərinləşməsinə dövlətimizin başçısı İlham Əliyev və Çin sədri Si Cinpinin strateji rəhbərliyi ilə həyata keçirilən tədbirlər misilsiz töhfəsini verib:
“Çin – Azərbaycan münasibətlərinin inkişafı üçün 2025-ci il olduqda məhsuldar il olub. Ölkələrimiz arasında əlaqələrin inkişafında yüksək dinamika müşahidə olunur. Siyasi arenada qarşılıqlı inam daha da möhkəmlənib. Bu ilin aprel ayında Azərbaycan Respublikasının Prezidenti İlham Əliyevin dövlət səfəri çərçivəsində Çin sədri Si Cinpinlə danışıqları nəticəsində qarşılıqlı münasibətlərin inkişafına təkan verən bir sıra mühüm razılaşmalar əldə olunub. Hərtərəfli strateji əməkdaşlıq münasibətlərinin qurulması haqqında Birgə Bəyanatın imzalanması Çin – Azərbaycan münasibətlərində yeni səhifə açdı” – xanım səfir qeyd edib.
Hacı Cavadov
