Bu əlavələr jakron adlanır və onları istifadə etməyə bir əsrdən artıqdır ki, başlanılıb. Hələ o vaxtlar məşhur markalardan qazanc əldə etməyə çalışan qeyri-qanuni şirkətlər meydana çıxmışdı.

Baki-baku.az məlumat verir ki, bu problem tarix boyu ən böyük cins şalvar istehsalçılarından biri olan Levi’s şirkətinə də toxundu. Bu tanınmış brendin adından istifadə edib qazanc əldə etmək istəyən kiçik şirkətlər onun məhsullarını saxtalaşdırmağa başladılar. Bununla mübarizə aparmaq üçün Levi’s şirkəti dəri etiketlər (jakronlar) tətbiq etməyə qərar verdi.

O dövrdə dərinin üzərinə davamlı rəsmlər vurmaq və onu möhkəm şəkildə tikmək üçün bahalı avadanlıqlar tələb olunurdu. Belə avadanlığı yalnız gündə minlərlə cins istehsal edən Levi’s kimi şirkətlər ala bilirdi. Saxta məhsul istehsal edən kiçik firmalar isə belə imkanlara malik deyildilər. Nəticədə, Levi’s brendi aşağı keyfiyyətli saxta məhsullar istehsal edənləri bazardan sıxışdıraraq öz məhsullarını unikal və asanlıqla tanınan hala gətirdi.

Zamanla bu detal trendə çevrildi. Keyfiyyətli digər markalar da öz texnoloji xüsusiyyətlərini əks etdirən orijinal jakronlar hazırlamağa başladılar.