Ləpə təkcə dadlı qəlyanaltı deyil, həm də vitamin, mineral və faydalı yağlarla zəngin bir xəzinədir.
Baki-baku.az bu barədə Gazeta.ru-ya istinadən xəbər verir.
Rusiyalı endokrinoloq və diyetoloq Yelena Çurakina bildirib ki, qida rasionuna 5 faydalı ləpənin daxil edilməsi vacibdir. Onların içində qoz ləpəsi liderdir. Ləpə qoz “Omega-3” yağ turşuları, “E”, “PP”, “K” və “B” qrupu vitaminləri ilə zəngindir. Ürək-damar xəstəlikləri riskini azaltmağa, yaddaşı və diqqəti yaxşılaşdırmağa yardımçı olur.
Badam faydalılığına görə ikinci yerdədir. Həkimin fikrincə, badam orqanizmi oksidləşmə proseslərindən qoruyan və dərini gənc saxlamağa yardımçı olan təbii antioksidantdır. O, həmçinn “A”, “C”, “E” və “B” qrupu vitaminləri ilə zəngindir. Badam həzmə, diş və sümük sağlamlığına kömək edir.
“Fındıq xolesterinin səviyyəsini azaldır, beyin fəaliyyətini yaxşılaşdırır. O, çoxlu doymamış yağ turşularının mənbəyidir. Keşyu isə immuniteti gücləndirən sink, həmçinin sümük sağlamlığı üçün kalsium, maqnezium, mis və selenlə zəngindir. Keşyu qəbulu qanda normal xolesterin səviyyəsini saxlamağa kömək edir”, – deyə diyetoloq əlavə edib.
Endokrinoloq sonda qeyd edib ki, sidr qozu amin turşularının, o cümlədən insan üçün vacib olan səkkiz əvəzolunmaz amin turşusunun mənbəyidir.
