Hər dəqiqə okeana bir yük maşını dolusu plastik tullantı atılır və dənizlər tədricən qlobal miqyaslı zibilliyə çevrilir. Sellofan paketlət, plastik qablar və mikrohissəciklər milyonlarla dəniz canlısını tədricən məhv edir, ekosistemləri kökündən dəyişir.

Baki-baku.az xəbər verir ki, alimlərin müşahidələrinə görə, dəniz quşlarının 90 faizindən çoxu və demək olar ki, hər bir tısbağa indiyə qədər heç olmasa bir dəfə hər hansı plastik əşyanı yemək hesab edərək udub.

Koral rifləri plastik qırıntıların yaratdığı bakterial infeksiyalardan məhv olur, bütün planet üçün oksigen istehsal edən plankton isə zibilin mikrotəbəqəsi altında boğulur.
Bütün bu sadalananlar sadəcə “zibil problemi” deyil, bəşəriyyətin gələcəyinə zərbədir. Zəhərli plastik balıq və dəniz məhsulları vasitəsilə yenidən süfrəmizə qayıdır, okeanı sağlamlıq üçün görünməz təhlükə mənbəyinə çevirir.