Dövrünü qabaqlayan din xadimlərinin açıqlamaları
Elm və din – düşmənmi? Əsla belə deyil.
Baki-baku.az-ın məlumatına görə, bəzən kainat haqqında ən inqilabi fikirlər laboratoriyalarda deyil, monastırların divarları arasında yaranıb. Təəccüblü görünə bilər, amma heliosentrik modelin müəllifi Nikolay Kopernik katolik kilsəsinin kanoniki idi. Məhz o, “Yer fırlanır!” deməyə cəsarət etdi – bu isə xidmət etdiyi kilsədən uzaqlaşdırılmaq riskini daşıyırdı. Onun əsərləri qadağan edildi, lakin dünya artıq səmaya əvvəlki kimi baxa bilməzdi.
Əsrlər keçdi, elmi dünya yenidən bir ruhani tərəfindən sarsıldı. Belçikalı Jorj Lemetr – abbat, fizik, riyaziyyatçı – kainatın genişləndiyi fikrini irəli sürdü. Bəli, məhz o, bu gün “Böyük partlayış” adlandırdığımız nəzəriyyəni ilk dəfə təsvir etmişdi. Bu, poetik metafora deyil, mövcudluğa baxışımızı dəyişən elmi inqilabın başlanğıcı idi.
İroniyadırmı? Əksinə, ilham mənbəyidir. Demə, cübbə içindən də ulduzlara baxmaq, dünyanı dəyişmək mümkündür.
Əbülfəz Babazadə
