Gecə saatlarında yağan yağışın normadan dəfələrlə artıq olması səbəbindən paytaxtın Nərimanov rayonu, Heydər Əliyev prospektindəki Bağırov korpüsü ərazisində suyun səviyyəsi artmış, nəticədə sözügedən ərazidə hərəkət tam məhdudlaşdırılmışdır.

Bakı Şəhər İcra Hakimiyyətinin başçısı Eldar Əzizov və aidiyyəti strukturların rəhbərləri əraziyə gələrək baxış keçirmiş, təxirəsalınmaz tədbirlərin görülməsinə başlanılmışdır.

Bakı Şəhər İcra Hakimiyyəti, paytaxtın rayon icra hakimiyyətlərinin başçıları, icra aparatı və təsərrüfat strukturları gücləndirilmiş iş rejimində çalışır, şəhər ərazisində xüsusi riskli ərazilər müəyyən edilərək aramsız yağan yağışın fəsadları aradan qaldırılır.