Türkiyə, Amerika, Fransa, İtaliya, İspaniya kimi nüfuzlu dövlətlərin məşhur sərgi salonlarında nümayiş olunan “Qarabağın mirası” bu dəfə Quzey Kipr Türk Cümhuriyyəti Xarici İşlər Nazirliyi və Xanımları Dərnəyinin təşkilatçılığı ilə noyabrın 22-də Levkoşada sərgilənəcək.
Qarabağın tarixi abidələrinə həsr olunan əsərlərin müəllifi, Azərbaycan Rəssamlar İttifaqının və UNESCO nəzdində Beynəlxalq Professional Rəssamlar İttifaqının üzvü, “Miras qrupunun” yaradıcısı Nigar Helmi Abbasbəyli Azərbaycan həqiqətlərini illərdir dünya insanına fırçanın və kətanın dili ilə çatdırır. 15 Noyabr Cümhuriyyət gününə, Quzey Kipr Türk Cümhuriyyətnin 41-ci il dönümünə həsr olunan sərgi ümid edirik ki, iki qardaş ölkənin mədəni əlaqələrinin inkişafına töfhə olmaqla yanaşı Qarabağ həqiqətlərinin Quzey Kipr ictimaiyyətinə çatdırılması üçün də bir vasitə olacaqdır.
