“Qarabağ” klubu dünya reytinqində bir pillə geriləyib.

Baki-baku.az-ın məlumatına görə, bu, Beynəlxalq Futbol Tarixi və Statistikaları Federasiyasının (IFFHS) açıqladığı siyahıda əksini tapıb.

182,5 xalı olan Azərbaycan çempionu 68-ci yerdən 69-cu sıraya düşüb.

“Sabah” (93,5 xal) 252-ci mövqedən 224-ə qalxıb. “Zirə” (66,75) 360-cı sıradan 389-a enib. “Araz-Naxçıvan” (60,25) 486-cı pillədən 456-ya, “Neftçi” (51,25) 563-dən 553-dək irəliləyib. “Turan Tovuz” (45) da geriləyən klublar sırasındadır. Tovuz komandası 608-ci pillədən 627-yə düşüb.

Qeyd edək ki, 704 klubun yer aldığı cədvəldə Fransa təmsilçisi PSJ (613) liderdir.