İsrailin şimalında yerləşən Qalileya bölgəsində arxeoloqlar nadir tapıntıya rast gəliblər. Tarixi tunel sistemində 22 mis sikkə üzə çıxarılıb.
Baki-baku.az “Live Science”ə istinadən xəbər verir ki, bu sikkələr yəhudilərin Roma İmperiyasına qarşı son üsyanı zamanı sığınacaq kimi istifadə olunan tunellərdə aşkarlanıb.
Araşdırmalara əsasən, sikkələrin yaşı 1600 ildən çoxdur. Onların üzərində Roma imperatoru II Konstantin (337–361) təsvir olunub. Alimlər hesab edirlər ki, sikkələr Qalileya üsyanı (351–352) dövründə gizlədilmiş ola bilər.
