Həkimlər gülüşün təbiətini və təsirlərini çoxdan araşdırırlar. Axı, xalq arasında belə bir deyim var: 15 saniyəlik gülüş insanın ömrünü 5 dəqiqə uzadır.
Baki-baku.az bildirir ki, bu sahədə konkret və dəqiq hesablamalar olmasa da, alimlər gülüşün faydaları ilə bağlı bir sıra maraqlı və faydalı müşahidələr aparıblar.
Gülüş haqqında 13 fakt
- Sadə bir təbəssüm zamanı üzdə 17 əzələ, qaşqabaq tökmək üçün isə 43 əzələ işləyir.
- Güclü və qəhqəhəli gülüş zamanı – yəni insan ikiqat əyildikdə və sanki titrəyə-titrəyə güləndə – orqanizm bir saatda yarım kilo çəki itirə bilər. Doğrudur, insan bir saat ardıcıl gülə bilməz, lakin 10–15 dəqiqəlik gülüş belə orta ölçülü bir şokolad plitkasına bərabər kalori yandırır.
Vanderbilt Universitetinin alimlərinə görə, gündə 15 dəqiqə gülən insanlar ildə 2 kilo yağ itirə bilər.
- Gülüş astma və bronxitin müalicəsində kömək edir. Belə ki, güldükdə ağciyərlərdən saniyədə 100 km/saat sürətlə çıxan hava bronxlardakı seliyi təmizləyir və iltihablı proseslərdə nəfəs almanı asanlaşdırır.
- Gülüş yaradıcılığı və problemləri həll etmək bacarığını artırır. Bu zaman beynin limbik sistemi aktivləşir və sol və sağ yarımkürələr arasında əlaqə yaranır.
- Beynəlxalq Gülüş Araşdırmaları Cəmiyyətinin bir konqresində gülüşün xərçəng xəstəliyinin müalicəsindəki faydaları müzakirə edilib. Daim güldürülən xəstələrdə sağalma faizi və tibbi göstəricilər nəzarət qrupundakılardan daha yüksək olmuşdur.
- İngilis filosofu və həkimi Uilyam Oslər gülüşü həyatın musiqisi adlandırır və hər gün ən azı 10 dəqiqə gülməyi tövsiyə edirdi. Deyilir ki, insan gündə 17 dəqiqə gülərsə, ömrünü bir il uzatmış olur.
- Əyləncəli və pozitiv xasiyyətli insanlar müxtəlif xəstəliklərə 50 % daha az tutulurlar – bu nəticəyə Harvard Universitetinin alimləri gəlib. Gülüş zamanı ağciyərlərin ventilyasiyası yaxşılaşır, qan damarlarında karbon qazı toplanaraq qan təzyiqini aşağı salır. Həmçinin gülüş nəticəsində qan şəkəri də, həm diabet xəstələrində, həm də sağlam insanlarda daha az artır.
- Bəzi ölkələrdə gülüş terapiyası geniş şəkildə istifadə olunur. Məsələn, Yaponiyada vərəm dispanserlərində uğurla gülüş terapiyası seansları keçirilir. Malayziyada isə tələbələrə imtahan öncəsi gülüşü təqlid edən xüsusi tənəffüs məşqləri öyrədilir. Təcrübə göstərib ki, bu məşqləri edən tələbələr imtahanları daha rahat və stresssiz verirlər.
- 6 yaşlı uşaq gündə təxminən 300 dəfə gülür, böyüklər isə gündə orta hesabla cəmi 15 dəfə. Maraqlıdır ki, 3 aylığa qədər uşaqlar heç gülməyi bacarmır.
- Gülmək maddi qazanc da gətirə bilər – məsələn, müştərilərə daim gülümsəyən ofisiantlar, digərlərindən 1,5 dəfə çox çay pulu alırlar.
- Ən gülərüz insanlar Braziliya və Kubada, ən tutqun və az gülənlər isə Skandinaviya ölkələrində yaşayır.
- İnsanlar 80–90 % hallarda gülüş üçün heç də gülməli olmayan ifadələrə reaksiya verirlər.
- Qadınlar yumor hissi olan kişiləri daha ağıllı hesab edirlər. Deyilir ki, yumor hissi kişilər üçün daha xarakterikdir və bu, kişilik hormonu olan testosteronla əlaqələndirilir.
