“McLaren” komandasının rəhbəri Andrea Stella bildirib ki, Sinqapur Qran-prisinin ilk dövrəsində Oskar Piastri ilə Lando Norris arasında baş verən təmasdan sonra komanda vəziyyətin detallı təhlilini aparacaq.

Baki-baku.az xəbər verir ki, görüşün məqsədi hər iki sürücünün baxış bucağını nəzərə alaraq baş verənləri müzakirə etmək və daxili komanda qaydalarının qorunmasını təmin etməkdir.

“Bizim baxışımız çox təfərrüatlı və analitik olmalıdır. Biz həm sürücülərin perspektivlərini nəzərə alacağıq və bunun əsasında ümumi rəy formalaşdıracağıq. Bu, təkcə çempionat xalları üçün deyil, həm də sürücülərin komandanın iş prinsiplərinə inamı üçün vacibdir.

Əgər kimsə qaydaların ədalətsiz tətbiq edildiyini hiss etməyə başlayırsa, bu, qayda pozuntularına gətirib çıxara bilər, komandanın bütün sistemlə bağlı göstərişlərinə məhəl qoymamaq olar”,-deyə Andrea Stella əlavə edib.