Pekin və Bakı Azərbaycanın Ümumdünya Ticarət Təşkilatına (ÜTT) daxil olması ilə bağlı ikitərəfli danışıqların ilk raundunu keçirib.
Bu barədə Baki-Baku.az Çinin Ticarət Nazirliyinə istinadən xəbər verir.
Bakıda yanvarın 13-14-də keçirilən iki günlük danışıqlar zamanı tərəflər mal və xidmətlərin ticarəti məsələləri üzrə ətraflı müzakirələr aparıb, eyni zamanda bir sıra razılaşmalar əldə ediblər.
Bundan əlavə, onlar danışıqlar prosesini sürətləndirmək və Azərbaycanın ÜTT-yə tezliklə daxil olmasını dəstəkləmək barədə razılığa gəliblər.
Qeyd edək ki, Azərbaycan 1997-ci ildə ÜTT-yə üzvlük üçün müraciət edib. ÜTT-yə daxil olma prosesi adətən bir neçə il çəkir və çoxsaylı danışıqlar raundlarının keçirilməsini tələb edir.
